الثلاثاء، 18 أغسطس، 2009

من يفهم الحياة حقا؟


المعروف ان الكبارهما اللي فاهمين الحياة لخبرتهم وتجاربهم السابقة ،لكن من المنطقي ان الشباب هما اللي يبقوا فاهمين الحياة لانهم هما الي بيمارسوها ومدركين ابعادها وتغيراتها.
لكن الكبار رغم خبراتهم فهمهم غير كافي للحياة لان خبراتهم كانت من زمن فات ،والشباب لا يفهمون الحياة لان تجاربهم وخبراتهم اقل من المطلوب.
فايه هي اجابة السؤال؟
الاجابة قارتها في كتاب احمد العسيلي (كتاب مالوش اسم)،
"لو مفاهيمك مابتتغيرش يبقي مافيش حاجة مهمة في حياتك بتحصلك وتبقي أكيد مش ماشي لقدام"،معني كدا ان الواحد بيفضل يفهم الحياة من يوم ما يبدأ يفهم لحد ما يموت،يعني فهمه يفضل يزيد ويتغير ويطلع وينزل المهم لنه مايثبتش عند شوية حاجات ويقف عندها لنه لما يقف معني كدا انه هايرجع لورا،لان الحياة عاملة زي السلم الكهربي اللي نازل لتحت والانسان بيبقي طالع لفوق.
كدا يبقي لازم نحاول نفهم الحياة كل شوية وكل سنة علي الاقل نغير فكرة قديمة او نجددها وكمان نكسب عليها فكرة جديدة.
ولا ايه رايكوا؟

ليست هناك تعليقات:

إرسال تعليق

شاركنا برأيك فيما قرأت
وشكرا